عزه في النفس تمنعني هواك
و اقول اهواك تمنعني الشفاه
ابعدي و خلي الهوى دايم وراك
اسألي من جرّب الحب و نساه
ما ابي اخطي خطا ثاني معاك
و الفطين اللي تعلّم من خطاه
لا تغرك عينكم ماني ملاك
ربي بس هو كاملن ما في سواه
يا هوى ابعد انا قلبي رماك
خلني يكفي على قلبي عناه
كذبة انت و ندم كل من مشاك
تبتسم يومين و الباقي لظاه
يستجير القلب في عزة هناك
يفهمونك حب...و المعنى شقاه
اشهد ان الليل هو معنى ضواك
ظلمة لا بدر لا برق و سناه
أبتسم ان قلت وش يعني دهاك
ما في شك انك حشى منته شقاه
انت همن آخره موت و هلاك
انت دربن يرحم الله من مشاه
عايشن مرتاح من حيد خطاك
احسد اللي اقفل الحب و طواه